معلومات غريبة عن اليوتيوب:لماذا الناس تنشر فيديوهات تافهة؟
 |
| ليه الناس بتنشر فيديوهات تافهة؟ |
ليه الناس بتنشر فيديوهات تافهة؟
لو انت عايز تنشئ قناة أو محتوى عليه .. ف اليوتيوب نفسه بيدور على اللايكات والمشاهدات زيك كده حتى لو بتقدم محتوى كويس أو حاجه محترمة أو بتقدم معلومة الكلام دا كان زمان من عشر سنين فاتوا دلوقتى يوتيوب مش عايز اى حاجه غير المشاهدات حتى لو بتقدم جنس .. ملهوش دعوة قد ما ليه دعوه بقناتك بتتشاف ولا لأ أهم حاجة عنده المشاهدات وعدد الساعات اللى بتجيبها قناتك هتقعد تقولى أصل انا بهتم بالمحتوى والكلمات المفتاحية و الصورة المصغرة وبعمل إعلان ممول وبشترى ساعات كل دا جميل قدام محتوى ملوش جمهور يبقى مش هيتشاف حتى لو صرفت على القناة كل فلوسك .. طيب المحتوى اللى ليه جمهور ؟ للأسف المحتوى اللى ليه جمهور مش هيبقى معروف عشان يوتيوب مش بيرجح الفيديوهات دى بيرجح هى الناس بتدور على ايه فقط بمعنى لو الفضايح والتريندات والمحتوى التافه والجنسى والرقص والمهرجانات هو اللى عليه اكبر نسبه بحث يبقى يوتيوب هيرجح الفيديوهات دى وهيساعد فى نشرها هو بيعتمد على ثقافة المجتمع سواء الغربى أو الشرقى لأن كان زمان يوتيوب كان بيحجب الفيديوهات دى استناداً على ثقافات الشعوب من كل دوله دلوقتى لما الناس فجرت وبقت تعمل أى حاجه وبقى هو دا اللى عليه النسبة والطلب يوتيوب غير سياساتة من الحجب والقوانين الصارمة اللى العامة وأهم حاجه أنه يجيب مشاهدات والفايز طبعا الوحيد يوتيوب .. فى خلال ال١٠ سنين الجاية مش هيبقى فيه محتوى كويس هيبقى تقريبا ٩٠% من الفيديوهات دعارة وهلس وفضايح حتى الدكاترة والمهندسين هيطلعوا يهلسوا ويركبوا التريند هما كمان والناس هتحاول تعمل أى حاجه حتى لو خارجه عن الطبيعة مقابل شهرة وفيوز ولايكات .. يوتيوب هدفه التربح فقط عشان فيه منصات كتير جدا هتبدأ تنافس العملاق وبشروط اسهل من شروطة .
ف انت حدد انت عايز تختار ايه ؟
عايز تقدم محتوى محترم وكويس وتفيد الناس فعلا وينفعك فى اخرتك يبقى كمل يصابت يا خابت ومتستناش مقابل .
أما عايز تبقى مشهور وتركب التريند يبقى عليك وعلى الفضايح وركوب التريند والتفاهة والاسفاف والمهراجانات وتغطى أحداث ( شوف العصفورة ) قناتك هتكبر من غير ما تصرف عليها مليم ولا كلمات مفتاحية ولا صورة مصغرة وهتحقق الشروط وقناتك هتكبر بس هتبقى مفسد فى الأرض وهتتحاسب بعدد كل اللى اتفرجوا عليك وسمعوا كلامك وشيروا فيديوهاتك هتشيل وزرهم كلهم عند ربنا .
فحدد وشوف لأى جانب هتنضم !
أتمنى أكون قدرت اوصلكم المعلومة.
واللى اللقاء في بوست جديد عن منصة التيك توك
منقوووول